އާންމުންގެ ޚިޔާލު ވަގުތުން ހޯދުމަށް މަގުފަހިކޮށްދޭ ދެ އާ ފީޗާއެއް ކަމަށްވާ މެސެޖިން އިންޓަގްރޭޝަން އަދި އެސްއެމްއެސް ޕޯލް ތައާރަފު ކުރިކަން އުފަލާއެކު އިއުލާން ކުރަމެވެ. މި ފީޗާތަކާ އެކު، ޑޭޝްބޯޑު މެދުވެރިކޮށް ވަގުތުން އާންމުންނާ މުއާމަލާތް ކުރެވޭނެ އެވެ.

ނޫސް މަޖައްލާއެއް، ކޮމިއުނިޓީ ޕޭޖެއް ނުވަތަ ކޮންޓެންޓް ޕްލެޓްފޯމެއް ހިންގި ކަމުގައި ވިޔަސް، މިހާރު ސީދާ ފޯނު މެދުވެރިކޮށް އާންމުންނާ ހަމައަށް ވާސިލުވެ، ސައްހަކަން ކަށަވަރު ކުރެވިފައިވާ ޖަވާބުތައް ވަގުތުން ހޯދޭނެ އެވެ.

މެސެޖް އައުލް (Message Owl) އާ ގުޅާލައްވާ.

މި ޚިދުމަތް ސެޓަޕް ކުރުމަކީ ވަރަށް ފަސޭހަ ކަމެކެވެ. ސައިޓް ސެޓިންގްސް އަށް ވަޑައިގެން، މެސެޖް އައުލްގެ އޭޕީއައި (API) ކީ ޖެއްސެވުމުން ކަނެކްޓް ކުރެވޭނެ އެވެ. ކަނެކްޓްވުމުން، ކަނެކްޝަން ސްޓޭޓަސް، އެސްއެމްއެސް ކްރެޑިޓް ބެލެންސް އަދި އެޕްރޫވް ކޮށްފައިވާ ސެންޑަރ އައިޑީތައް އެއްތަނަކުން ބަލާލެވޭނެ އެވެ.

އެކި ޕްލެޓްފޯމް ތަކަށް ވަކިވަކިން ވަންނާކަށް ދެން ނުޖެހޭނެ އެވެ. ހުރިހާ ކަމެއް މެނޭޖުކުރާ ތަނުން މެސެޖިންގ ސެޓަޕް ވެސް މިހާރު ބެލެހެއްޓޭނެ އެވެ.

އާންމުންގެ ތަރުހީބު ލިބޭނެ ފަދަ ޕޯލްތައް ހައްދަވާ.

އެސްއެމްއެސް ޕޯލް މެދުވެރިކޮށް ތިރީގައިވާ ކަންކަން ކުރެވޭނެ:

• ސުވާލަކަށް 10 ޖަވާބާ ހަމައަށް އިޚްތިޔާރު ދެވުން.

• އޯޓީޕީ (OTP) މެދުވެރިކޮށް ސައްހަކަން ކަށަވަރުކޮށް، ކޮންމެ މީހަކަށް އެއް ވޯޓު ލެވޭ ގޮތަށް ޖަވާބުތައް އެއްކުރުން.

• ޕޯލްސް ޑޭޝްބޯޑުން ވަގުތުން ނަތީޖާ ބަލާލެވުން.

ޕޯލެއް ހެދުމަށް ހޭދަވާނީ މަދު ސިކުންތު ކޮޅެކެވެ. ސުވާލު ލިޔުއްވުމަށް ފަހު، އިޚުތިޔާރުތައް އިތުރުކޮށް، އެކްޓިވް ކޮށްލުމުން ޕޯލް ފެށޭނެ އެވެ. ޕޯލް މެދުކަނޑާލަން ބޭނުން ނަމަ، ލިބިފައިވާ ވޯޓު ތަކަށް ބަދަލެއް ނައިސް ޕޯލް އޮފްކޮށްލެވޭނެ އެވެ.

މީގެ އިތުރުން، ވޯޓުލާން ފެށުމާ އެކު ޖަވާބު ތަކުގެ އިޚުތިޔާރުތައް ލޮކްވާނެހެން ރައްކާތެރިކަމުގެ ފިޔަވަޅުތައް ވަނީ ގާއިމު ކޮށްފަ އެވެ. މީގެ ސަބަބުން ލިބޭ މައުލޫމާތަކީ އިތުބާރު ހުރި ސައްހަ މައުލޫމާތަށް ވާނެ އެވެ.

ވޯޓުލުން ކުރިއަށްދާ ގޮތް.

މީހަކު ވޯޓެއް ދިނުމުން، އެމީހަކަށް އެއް ފަހަރު ބޭނުން ކުރެވޭ ކޯޑެއް (OTP) އެސްއެމްއެސް މެދުވެރިކޮށް ލިބޭނެ އެވެ. އެ ކޯޑު ޖެހުމުން ވޯޓު ކަށަވަރުވެ، ގުނޭނެ އެވެ. މީގެ ސަބަބުން ނަތީޖާގެ ސައްހަކަން ހިފެހެއްޓި، ކޮންމެ ޖަވާބަކީ ވެސް ސައްހަ ފޯނު ނަންބަރަކުން ލިބޭ ޖަވާބެއްކަން ކަށަވަރުވެ އެވެ.

ތިޔަބޭފުޅުންނަށް ޚާއްސަކޮށް ފަރުމާކުރެވިފައި.

މި ސިސްޓަމްގައި ކަނާތުން ވާތަށް ލިޔާ ބަސްބަހާއި (RTL) ދިވެހި ބަހަށް ފުރިހަމައަށް ސަޕޯޓްކުރެ އެވެ. އެހެންކަމުން، ތިޔަބޭފުޅުން ހަދާ ޕޯލްތައް ފެންނާނީ އާންމުންނާ ގުޅޭ ގޮތަށެވެ. އަދި ފޮޓޯ އާއި ތަފްސީލު ހިމެނޭ ގޮތަށް، ބޭނުންވާ މިންވަރަކަށް ޕޯލްތައް ފަރުމާކޮށްލެވޭނެ އެވެ.

ފައްޓަވާ.

• ސައިޓް ސެޓިންގްސްއަށް ވަޑައިގެން މެސެޖް އައުލް އެކައުންޓް ގުޅާލައްވާ.

• ސައިޑްބާގައިވާ އާ "ޕޯލްސް" ސެކްޝަނަށް ވަޑައިގަންނަވާ.

• ފުރަތަމަ ޕޯލް ހައްދަވައި، ސައްހަކަން ކަށަވަރުކުރެވިފައިވާ ޖަވާބުތައް އެއްކުރަން ފައްޓަވާ.

އުނދަގޫ ސެޓަޕްތަކެއް ނެތި، އެހެން ޕްލެޓްފޯމް ތަކަށް ވަންނަން ނުޖެހި، އާންމުންނާ ގުޅޭނެ ފަސޭހަ ނިޒާމެއް މިހާރު ތިޔަ ބޭފުޅުންނަށް ލިބިވަޑައިގަންނަވާނެ އެވެ.